په‌ڕینه‌وه‌ بۆ که‌ناره‌ قێزراوه‌کان

که‌ یه‌که‌م هه‌نگاوم نا به‌ره‌و ئه‌و به‌ری ئۆتۆبانه‌که‌

، زانیم ‌ ئه‌بێ قه‌تیس بمێنم

، چونکه‌ نه ئه‌وه‌‌ جێگای په‌ڕینه‌وه‌ بوو

، نه‌ منیش توانای ئه‌و هه‌موو ته‌ماشاکردنه‌ی ئه‌م به‌رو ئه‌وبه‌رم هه‌بوو

، به‌هه‌ر شێوه‌یه‌ک بێت گه‌شتمه‌ ناوه‌ندی ئۆتۆبانه‌که‌

. ئێستا زانیم سه‌ره‌تا ئێره‌یه‌

نه‌ئه‌توانم بگه‌ڕێمه‌وه‌ نه بپه‌ڕمه‌وه‌

تا ئه‌وکاته‌ خۆم له‌ناو ته‌م و مژی ڕۆژێکی هاویندا نه‌بێنیبوو

، ئه‌زانن بۆ ئه‌ڵێم هاوین چونکه‌ گه‌رم بوو

، خۆر خۆی له‌ودی قوڵایی هه‌وره‌ ڕه‌شه‌کانه‌وه‌ حه‌شار دابوو

، به‌ڵام هاکا منی سوتاند

ئێوه‌ وا ئه‌زانن هه‌ر به‌ته‌نها ئاگر سوتێنه‌ره‌؟

من هه‌ست ئه‌که‌م ئه‌سوتێم هه‌ردوو به‌ری ئۆتوبانه‌که‌ش

به‌ بڵێسه‌ تاریکه‌که‌ی جه‌سته‌ی من ڕوناک ئه‌بێته‌وه‌

که‌س ئه‌زانێ من ئه‌ڵێم چی؟

بۆنا! من ئه‌زانم

چونکه‌ خۆشم نازانم! ئه‌ڵێم چی

که‌واته‌ چاوێک به‌رزکه‌وه‌ ئه‌وتا لای ڕاستی گۆشه‌ی سه‌ره‌وه‌

چوارگۆشه‌یه‌کی سوره‌ زه‌ڕبێکی له‌سه‌ره‌، یه‌ک په‌نجه‌ی پیانێ